नेपाल मजदुर किसान पार्टीका श्रद्धेय अध्यक्ष श्री नारायणमान बिजुक्छे 'रोहित' ज्यू समक्ष विशेष भेट । अत्यन्त अनुभवी, अध्ययनशील कम्युनिष्ट राजनीतिज्ञ 'रोहित' (८५ बर्ष) द्वारा नेपालको बारेमा अहिलेसम्मकै बृहत् र सचित्र जानकारी समेटेको 'अल नेपाल इन्फो' पुस्तकको बहुआयामिक महत्वलाई प्रथम दृष्टिमै आत्मसात गर्दै यसलाई तयार पार्न विभिन्न चरणमा धैर्यतापूर्वक खर्चिएको ६९ महिना लामो अथक प्रयासप्रति समेत गौरवमय प्रेरणादायी विचार व्यक्त गर्दै राज्यस्तरबाट समेत हुन नसकेको काम निजी तवरबाट यति गहन र बृहत् स्वरूपमा प्रकाशन हुनु नै आफैमा ठूलो उपलब्धि भएको टिप्पणी गर्नुभयो । भक्तपुर जिल्ला, प्रतिनिधिसभा निर्वाचन क्षेत्र नं. १ बाट निर्वाचित सांसद एवं नेता मा.श्री प्रेम सुवालज्यूको समेत उपस्थितिमा भएको उक्त भेटघाटका क्रममा अध्यक्षज्यूले देश-विदेशको समसामयिक राजनीतिका बारेमा पनि आफ्नो सारगर्भित विचार राख्नु भएको थियो । साथै श्रद्धेय अध्यक्षज्यूद्वारा श्रमिक साप्ताहिक (वर्ष ३१, अङ्क ४७), मजदुर दैनिक (वर्ष २६, अङ्क ३२३), पत्रकार समाज नेपालद्वारा प्रकाशित (२०७८) पुस्तक 'आजको भारत : भारतीय लेखकहरूका दृष्टिमा', नेपाल क्रान्तिकारी किसान संघद्वारा प्रकाशित (२०८०) पुस्तक 'युक्रेनमा नवनाजीबाद (रूसविरूद्ध अमेरिकी छद्म युद्ध), पत्रकार समाज नेपालद्वारा प्रकाशित (२०८०) पुस्तक 'अमेरिकाको प्रजातन्त्र !', जन प्रकाशन गृहद्वारा प्रकाशित (२०८१) पुस्तक 'इजरायली फासिवादविरूद्ध प्यालेस्टिनी प्रतिरोध', हरिबहादुर श्रेष्ठ यानेकी स्वयं श्री नारायणमान बिजुक्छे 'रोहित'द्वारा लिखित एवं स्रष्टा समाज भक्तपुर, नेपालद्वारा चौथो संस्करणका रूपमा प्रकाशित (२०७९) पुस्तक 'जनताको साहित्य र साहित्यकार' र स्वयं श्री नारायणमान बिजुक्छे 'रोहित'द्वारा लिखित एवं जन प्रकाशन गृहद्वारा तेश्रो संस्करणका रूपमा प्रकाशित (२०८१) पुस्तक 'आत्मनिर्भरताको प्रश्न र आर्थिक विकास' जस्ता अमूल्य पठनीय सामग्रीहरू पनि सप्रेम उपहार स्वरूप प्रदान गर्नु भयो ।भेटघाटका निम्ति उपलब्ध महत्वपूर्ण समय र सकारात्मक ढाडसका निम्ति श्रद्धेय अध्यक्षज्यू र माननीयज्यूप्रति हार्दिक आभार प्रकट गर्दछौँ । धन्यवाद ! 🙏 (२०८१ /०८/२६)

#हाम्राअनौपचारिकदुईशब्द #allnepalinfo #motherlandpublication #booklover #nepalidentifier #nepalexplorer